පැමිණිලි වාර්තා කිරීම

1987 දී ආරම්භයේ සිටම, MAS අත්‍යවශ්‍ය සාරධර්ම පහක් පවත්වා ගෙන යයි. අවංකකම සහ අවංකභාවය, විශ්වාසය සහ අන්‍යෝන්‍ය ගෞරවය, වගවීම සමඟ නිදහස, නිහතමානීකම සහ විශිෂ්ටත්වය සඳහා ඇති ආශාව එම පංච සාර්ධර්ම යි. හොඳම ව්‍යාපාර ප්‍රතිඵල ලබා ගැනීමට උත්සාහ කරන අතරම මෙම වටිනාකම්වලට අනුකූලව ජීවත් වීමට ද MAS හි සේවකයින් දිරිමත් කරනු ලැබේ. මෙම අගයයන් අපගේ මූලික ශක්තීන් ලෙස කාවැදී ඇත. ඔවුන් එක්සත්ව සුවිශේෂී MAS සංස්කෘතිය නිර්මාණය කරයි.

MAS සෑම විටම පරිණාමය වෙමින් අඛණ්ඩව නව ජය කණු කරා ඉදිරියට ඇදෙමින්, විවිධ පාර්ශවකරුවන් සමඟ සම්බන්ධ වෙමින් බොහෝ ජීවිත සංඛ්‍යාවකට සමීප වෙයි. අපගේ අවධානය යොමු වී ඇත්තේ ප්‍රමිතිගත ප්‍රතිපත්ති හා ක්‍රියා පටිපාටි සමඟ ‘ඒකීය MAS’ වශයෙන් ක්‍රියාත්මක වන අතරම ආයතනය හරහා MAS හි අද්විතීය සංස්කෘතිය සංරක්ෂණය කිරීමයි.

මෙම වෙබ් අඩවිය MAS DNA (චර්යාධර්ම පද්ධතිය) තේරුම් ගැනීමට අවශ්‍ය සම්පත් සත්කාරකත්වය සපයන එකම වේදිකාව වනු ඇත. DNA අවබෝධ කර ගැනීම සඳහා සම්පත් සැපයීමට අමතරව, අනුකූල නොවීම් හඳුනාගෙන වාර්තා කිරීමේ පහසුකම් වලින් හා වගකිවයුතු සේවකයෙකු ලෙස කටයුතු කිරීම සඳහා වූ මාර්ගෝපදේශ වලින් ද මෙම වෙබ් අඩවිය සමන්විත වේ. අපගේ පරමාර්ථය වන්නේ ඊළඟ පරම්පරාවේ සේවකයින් සඳහා MAS සංස්කෘතිය ආරක්ෂා කිරීම, සංරක්ෂණය කිරීම සහ අගතැන් කිරීමයි.

අපගේ චර්යාධර්ම පද්ධතිය DNA ලෙස ඇයි?

ඩිඔක්සිරයිබෝනියුක්ලෙයික් අම්ලය හෙවචත් DNA යනු සෑම ජීවියෙකුගේම සාරය වේ. සෑම පුද්ගලයෙකුටම ආවේණික වූ එය, එකට එකතු වී පුද්ගලයාගේ සමස්තය පිළිඹිබු කරන පෞරුෂත්වය හැඩගස්වයි. ඒ හා සමානව, චර්යාධර්ම පද්ධතිය ද සෑම සේවකයෙකු තුළම අන්තර්ගත වන අතර, MAS හි හරය නිර්මාණය කර අපගේ DNA ලෙස ස්ථාපිත වෙයි.

සභාපතිතුමාගේ පණිවිඩය

“අපේ වටිනාකම්වල භාරකරුවා ඔබයි”

ඉතාම ලාබාල අවධියක සිටම මමත්, මගේ සොහොයුරනුත් අප පවුල තුළ සුරැකිව පැවති සවිමත් වටිනාකම් ගොන්නක පරිචය ලබා ගත්තෙමු. අප 1987 වර්ෂයේ MAS ආයතනය ආරම්භ කරන විටදී ඒ වෙතද මේ වටිනාකම් රැගෙන ආ අතර ඒවා MAS ආයතනයේ DNA දාමය තුළ වැදගත් පුරුක් බවට පත් විය.

MAS ආයතනයේ සමාරම්භයේ සිටම නිහතමානී බව, විශ්වාසය හා අන්‍යෝන්‍ය ගරුත්වය, අවංක භාවය හා අව්‍යාජත්වය, වගකීම් සහිත නිදහස සහ විශිෂ්ටත්වයේ අභිලාෂය අප ව්‍යාපාර කටයුතු සිදු කළ ආකාරය හැඩගැස්වූ සාරධර්ම විය. ආයතනයේ විකාශනයත් සමග. MAS ආයතනයේ ව්‍යවසායකත්ව ස්වභාවය සහ ප්‍රජාව කෙරෙහි ඇති කැපවීම පිළිබිඹු කිරීමට අපි තවත් සාරධර්ම දෙකක් එකතු කෙළෙමු, එනම් ව්‍යවසායිකබව සහ නවෝත්පාදනය සහ කෘතවේදීබව වේ. මේ සාරධර්ම සිය ජීවන පිළිවෙත කරගත් වෘත්තිකයන් අප හා එක් කොට ගනිමින් ඒවා තවදුරටත් සුරැකිව පවත්වා ගැනීමට අපි කටයුතු කළෙමු.

අද වන විට අපගේ වටිනාකම් සහ ව්‍යාපාරික ආචාරධර්ම පිළිබඳව ඉමහත් පිළිගැනීමක් හා ගරුත්වයක් හිමි කරගෙන තිබෙන අප ශ්‍රී ලංකාවේ කීර්තිමත් ආයතනයකි.

අප බහුජාතික සමාගමක් බවට පත් වීමට අපේක්ෂා කරන බැවින් සදාකල් සුරැකිව තබා ගැනීමේ වගකීම දරන ඔබ වෙත විශ්වාසය තබමින් අපගේ ඒ වටිනාකම් සහ ව්‍යාපාරික සදාචාරය රැක ගැනීම පිළිබඳව ඔබ වෙත ස්තූති කිරීමට මම මෙය අවස්ථාවක් කර ගන්නෙමි. චර්යා ධර්ම සංග්‍රහය අපගේ ආයතනයේ විකාශනය පුරාවටම අප පවත්වා ගෙන ආ වටිනාකම් හා ආචාරධර්මයන් පැහැදිළිව විස්තර කරන්නේ යැයි මම විශ්වාස කරමි.

මාගේ අපේක්ෂාව වන්නේ ඔබේ දෛනික වැඩකටයුතුවල යෙදෙන අතර මෙම චර්යා ධර්ම සංග්‍රහය තුළින් මග පෙන්වීම ලබමින් ඔබ මෙම ආයතනයේ වටිනාකම් පිළිබඳ භාරකරුවන් බවට පත්වනු ඇති බවයි.

MAS හි උරුමය ආරක්ෂා කිරීම සහ අප පදනම් වූ එම ධෛර්යයෙන්, චරිතයෙන් සහ විශ්වාසයෙන් අනාගතය හැඩගැස්වීම ගැන ඔබට ස්තූතියි.

මහේෂ් අමලීන්
සභාපති - MAS හෝල්ඩිංස්

වෙනස්කරුවෝ වෙමු

  • සිහිනයන් බලගන්වමින් මිහිතලය මත ජීවන වියමන සාරවත් කරන.

දැක්ම

  • සැමට හිමිවන අවස්ථාවන් තුළින් මුළු ලොවම හැඩගැන්වෙන, අපගේ කණ්ඩායම මෙන්ම ව්‍යාපාර සහකරුවන්ද තම සිහින සපුරා ගන්නා, තිරසාරභාවය ඇඟලුම් ක්ෂේත්‍රය හා නිබඳව බැඳී පවතින, එවන් දිනයක් අපි දකින්නෙමු.

මෙහෙවර

  • වඩා යහපත් ලෙස ලොව වෙනස් කරන්නට අපේ කණ්ඩායමට අපි අනුබලය දෙන්නෙමු.
  • මානව හිතවාදී තිරසාර නිෂ්පාදන අපි නවෝත්පාදනය කරන්නෙමු.
  • විශිෂ්ටත්වය රැඳුණු ඉහළ ලාභදායී වර්ධනයක් වෙනුවෙන් අපි සබඳතා ගොඩනඟන්නෙමු.

සාරධර්ම

  • නිහතමානී බව

  • අවංකභාවය සහ අව්‍යාජත්වය

  • විශ්වාසය සහ අන්‍යෝන්‍ය ගරුත්වය

  • විශිෂ්ටත්වයේ අභිලාෂය

    සැමවිටම පරිසමාප්තිය හඹා යායුතු බව අපි විශ්වාස කරන්නෙමු.
  • ව්‍යවසායිකබව සහ නවෝත්පාදනය

    යහපත උදෙසා අපි අභියෝගකරුවෝ සහ වෙනස්කරුවෝ වන්නෙමු.
  • වගකීම සහිත නිදහස

    අපේ ඉරණම සැලසුම් කිරීම පිළිබඳ අපි පෞද්ගලිකවම වගකීම දරන්නෙමු.
  • කෘතවේදීබව

    එකිනෙකා සහ ලොව සමඟ අපි නිබඳව බැඳි සිටින්නෙමු.

Locations